Kumpulan Pantun Minang Lucu Bagian 2

Kumpulan Pantun Minang Lucu Bagian 2

Pantun Minang

Gulai cubadak gulai paku,
Dijarangan di hari sabtu,
Jiko hati rusuah ndak manantu,
Hanyo Tuhan tampek mangadu.

Paragede jaguang dibaok mangaleh,
Pitih disimpan dalam belek,
Tasirok darah hilang sagaleh,
Dek dapek kaba adiak ka baralek

Ikan teri campua rimbang,
Kawannyo jo ikan pangek,
Hati Adiak sabana bimbang,
Manunggu Uda lamo bana kamaikek.

Gulai touco jo karupuak,
lamak dibae makan jo tangan.
Gadang hati dek basobok adiak,
kironyo adiak tibo maanta undangan.

Lauak babisiak di balik niru,
sabik tapacik ma usia balando.
Alam takambang jadi guru,
langik manjawek jo tando tando.

Panen kaladi di tapi banda, 
disambia mamanciang baluik, 
Bukan uda nan manunda, 
pitih tu bana nan alun cukuik.

Indak dapek sarimpang padi,
Batuang den balah ka parahu,
Indak dapek sa kandak hati,
Kandak Allah juo nan balaku.

gulai rabuang jo maco bada
dilatak an urang di ateh nampan
lah latiah badan arok wisuda
lah sarjana masih pengangguran

Makan nasi jo pucuak ubi
Untuak ka kawan samba lado
Eh. Ado nan ulang tahun hari kini
Siap siapan lah kadonyo

Kaparak mancari batuang
rabuang dapek dlm ilalang
dulu nyo datang mambuek sayang
tibolah sayang nyo pai mahilang

Lah masak nasi rang kapau
Cubadak gulai rabuang
Tadanga mandeh mahimbau
Nak kanduang bilo kapulang?

Lauak babisiak di balik niru,
sabik tapacik ma usia balando.
Alam takambang jadi guru,
langik manjawek jo tando tando.

Teh manih gulai rabuang
Dimakan dihari sanjo
Kasiah habih badan tabuang
Kini adiak lah manduo

goreng maco jo gulai rabuang
lamak dimakan jo anak bini
dima duduak disitu tamanuang
mangana nasib iko kini.

Indak dapek sarimpang padi,
Batuang den balah ka parahu,
Indak dapek sa kandak hati,
Kandak Allah juo nan balaku.

Ikan teri campua rimbang,
Kawannyo jo ikan pangek,
Hati Adiak sabana bimbang,
Manunggu Uda lamo bana kamaikek.

rabuang babisiak di balik niru
sabik tapacik ma usia balando
Alam takambang jadi guru
langik manjawek jo tando tando

Samba lamak si gulai rabuang,
Makan basamo di tapi sawah.
Anak amak lah acok bamanuang,
Pintak balaku kandak tak sudah

Usah di papek batang sariak
Batang batuang baranak rabuang
Gamang uda mandanga kandak adiak
Oto limo rumah baanjuang

Pai maraton ka pasa Pitalah
Sambia bali katupek gulai rabuang
Bialah kini denai mangalah
Kok bajodoh akan batamu sorang

Indak dapek sarimpang padi
Batuang den balah ka parahu
Indak dapek sa kandak hati

Kandak allah juo nan balaku

Rabuang dipangek pakai lokan
Makan baselo dimuko biliak
Walau anggan adk tuk marilakan
Lah ndak ka mungkin raso ka babaliak

sumber: Twitter Taq #PantunMinang edisi Rabuang
Loading...

0 Response to "Kumpulan Pantun Minang Lucu Bagian 2"

Post a Comment

close

Iklan Atas Artikel

Iklan Tengah Artikel 1

loading...

Iklan Tengah Artikel 2

Link Banner

Iklan Bawah Artikel

loading...