Achmad Buchori, "Paubek Hati Nan Luko" Untuak Semen Padang


Lapek Kijang Karimbo, mungkin kato nan cocok untuak tim kebanggan Ranah Minang yaitu Semen Padang FC. Ba'a ka indak, bak nan kecek Zalmon, "Suluah ditangan dipadamkan dek arok cahayo bulan, nyatonyo bulan lah hilang, awak lah bakalam". 

Banyak pemain nan manjadi bidikan dari awal bursa transfer dek Semen Padang. Tapi kini lah mulai ilang ciek-ciek dengan alasan nan babeda-beda. Kini, tapaso musim nan ko harus di jalani indak ado wajah baru do.

Ambiak contoh se Faturrahman (Bhayangkara FC), pemain nan posisi gelandang nan alah pasti untuk dipinjamkan ka Semen Padang, ditarik dek management pak Pol tu liak. Keceknyo pak pol tu kalau pemain Bhayangkara FC banyak nan cedera, jadi tanago Faturrahman masih dibutuhkan.

Beda jo nan ciek lai, kasus Arthur pemain Perseru. Alah pasti ka Semen Padang. Lah ka pai ka Padang lai, nan awak lah arok mananti, tapi nyatonyo Management nyo ndk lah setuju do, patang lah nyo baok Away ka Persiba..hahahah. Tapaso gigik jari pulo ciek lai.

Nan terakhir ada pulo kaba dari pemain Hasim Kipuw dari Bali United, pak management alah usahokan, tapi antah apo nan tajadi, berita tu mangambang se bantuak aia disapu angin jo angek matohari nyo.

Kini adoloh Achmad Buchori pemain Persijap kelahiran 29 November 1991, kini inyo sadang manjalani training/trial lu. antah lai kaditarimo apo indaknyo, wak serahkan se ka pak Management. 

Achmad Buchori mungkin hanyo "paubek hati nan luko" se untuk Semen Padang kini. Daripado indak ado pemain baru. Sadangkan ado se pemain lokal baru, lah banyak pulo fans kecewa.

Kini wak serahkan se lah ka pak management tu lai. Nan kini, bialah caliak bursa transfer tim lain se wak lai, seperti Persib dan Persiba nan loyal mambali pemain yang berkualitas dan kwatintas impor..hahahah 

0 Comments